詹康信失竊案 金紫荊星章燒爛 「扔又唔係 留又唔係」
【本報訊】前特首曾蔭權爵士好友、香港美國商會前主席詹康信，其位於深水灣道的豪宅去年遭賊匪爆竊，就連他於○三年獲港府頒授的金紫荊星章亦被偷走更遭火燒，家傭發現屋中失竊後報警，警方稍後在大宅附近拘捕涉案的內地男賊，並起回賊贓。廿六歲被告昨於區院承認一項爆竊罪，法官指案中星章對事主而言具有榮譽及紀念價值，「有錢都買唔到」，直斥被告的行為差劣，「你偷嘢還偷嘢，冇理由整爛人哋啲嘢」，因此額外加刑三個月；考慮被告認罪，最終判他監禁共兩年兩個月。
法官葉佐文翻看證物相片，見到案中的金紫荊星章一大一小，其中較大的星章遭燒到變成「茄子嗰種紫色」；被告本來否認燒毀星章，與律師商討後改口承認。法官慨嘆指「呢樣嘢係好寶貴，有錢都買唔到」，如此有紀念價值的金紫荊星章，現時雖獲尋回，但已變得「好醜樣，扔又唔係，留又唔係」猶如雞肋般，法官慨嘆詹康信「失而復得，但又得而復失」。
內地賊判監26個月
祖籍貴州、持雙程證來港的被告付英武，承認於去年九月五日、即他廿六歲生日前夕，非法闖入深水灣道四十八號文禮苑某獨立屋，偷取六隻手錶、一套北京奧運福娃紀念郵票、兩枚金紫荊星章、七對袖口鈕、襟針飾物及酒塞等財物，總值至少三萬八千八百元。部分襟針印有「廈門市榮譽市民」字樣及馬會圖案。控方以代號X稱呼屋主，辯方庭上確認屋主是詹康信本人。辯方求情指，被告在貴州任挖土機工人，月入六千元人民幣，收入本可供養父母，但因準備結婚有經濟壓力，因一時貪念才犯案。法官最終判他監禁兩年兩個月。
案件編號：DCCC 39/2017