政情：公民講場：打工仔5‧1上街蕭偉強被追債

趁住尋日喺「五一」勞動節，好多打工仔上街遊行爭取勞工權益，要求政府取消強積金對沖、統一公眾同法定假期、增加男士侍產假、延長婦女有薪產假同落實全民退休保障等，擺明係向勞工及福利局局長蕭偉強追債。但係呢屆政府剩番唔夠兩個月貨仔，尤其係喺商界反對下，喺今屆政府任期結束前係咪能夠就取消強積金對沖達成共識，真係唔樂觀，大家金睛火眼（目及）實政府會唔會走數。