未入正題前，先同大家講吓歷史。話說南亞國家印巴呢對世仇為咗爭奪喀什米爾，幾十年來大大話話打咗三場硬仗，零星衝突更係不計其數。咪以為事不關己喎，隨着南亞兵團大舉入侵，香港早就淪為第二個喀什米爾嘞。
前晚之嘛，五十幾名南亞黑幫喺深水埗一個球場上演大廝殺，當中十幾人為巴基斯坦幫，其餘係印度幫，雙方手持利刀、鐵棍、高球棍及玻璃樽互劈，刀光劍影，血肉橫飛，唔知仲以為拍緊蠱惑仔電影。最攞命係，佢哋殺到興起，索性衝出馬路中心互掟武器，隨時誤中副車，嚇到途人雞飛狗走，最後警方趕至，拉咗其中六名血流披面嘅印度漢。唔使問阿貴都知，又係持「行街紙」嘅酷刑聲請人士喇。
呢場印巴大戰嘅起因，咪就係爭地盤囉。呢兩幫人個個黑底，聲大夾惡，長期盤據黃竹街、石硤尾街、楓樹街等地分地盤，爭做苦力及買賣甚至非法勾當，雙方一睇唔順眼就嚟料，好似出事個球場吖，早就生人勿近。連當區區議員都忍唔住狂呻，話南亞幫派毆鬥愈來愈多，搞到治安差晒，今次仲爆發大規模廝殺，街坊有得震冇得瞓，到底政府幾時至肯正視問題吖？
咁又係呀，莫講話印巴兩國有着血海深仇，就算係自己友，南亞兵團一樣玩內訌，你劈我、我劈你，冤冤相報何時了。好似早前嗰單佐敦港鐵站血案，咪就係南亞兵團同鄉互劈，搞到香港永無寧日。最可笑嘅係，一班偽善政客開口埋口話傳媒抹黑，講到南亞兵團幾咁可憐，幾咁善良。喂，事實擺在眼前，南亞兵團唔止大部分係假難民，仲係黑社會成員添，呢啲唔係傳媒生安白造，而係警方調查嘅結果，證據確鑿，有根有據，唔使抹都黑喇。
假難民禍港殃民，衰嘢真係數到天光都數唔晒，淨係近排嘅便利店連環劫案咋，行兇嘅又係假難民，仲狼死到擸斧頭打劫，搞到連做便利店收銀都要搵命博咁款，如果話打工仔遲吓要戴頭盔着避彈衣返工，一啲都冇誇張(口架)。
一句到尾，香港之所以淪落到咁嘅地步，全拜港府假仁假義所賜，如果唔係官老爺對治安問題視若無睹，香港人使乜日日提心吊膽咁痛苦呀？新界更練團使乜重出江湖咁操勞呀？
講到口水都乾，港府就算唔退出國際公約，最低限度都要重設禁閉營，無奈夕陽政府一味掛住等收工，淨係識得敷衍了事。點都好，假難民問題早已成為本港最大嘅治安毒瘤，港府再唔徹底切割，遲早變成不治之症。好多人對新一屆政府寄以厚望，到底係龍定係蟲，就睇呢一鋪喇。