納米樓愈嚟愈多，市區重建局行政總監韋志成就形容迷你單位「供應源自需求」，市建局唔少項目亦受制喺地盤面積，只能重建為單幢式樓宇，加上地積比冇空間增加，細單位無可避免成為主要供應，未來會研究為項目加入共用儲存空間同洗衣房等設施。嘩！簡直係大倒退，時光倒流返到以前七層高嘅徙置區咁，廁所、沖涼房同水房都係共用嘅，愈住愈差，仲要用幾百萬元買徙置區單位，搞錯！
