立法會議員何君堯向來語出驚人，尋日佢又有新猷，直指同性婚姻合法化如洪水猛獸，擔心將來連人獸交、亂倫都容許，更義正辭嚴話會威脅人類延續下一代添！不過，一向關注性小眾權益嘅平等機會委員會主席陳章明就話，香港法例對性小眾保障不足，希望政府嚴肅處理同跟進，並盡快就性傾向歧視條例立法展開全面諮詢喎。陳章明再次表明立場，唔知何君堯同一眾反對立法嘅團體會唔會再加多幾錢肉緊，阻擋立法工作展開呢？
