成日外訪嘅教育局局長吳克儉（吳得掂）上任以來足迹遍世界，多名立法會議員一直追問吳得掂嘅外訪開支詳情，同埋有冇因此賺取飛行里數。教育局尋日書面答覆立法會特別財會補充問題時透露，吳得掂上任近五年所賺取嘅飛行里數達廿一萬六千，不過就從未兌換過。咁多飛行里數，足夠兌換七張來回日本機票，記得吳得掂都幾鍾意到日本賞紅葉，咁多飛行里數，有得睇但冇得用，佢實流晒口水喇！
