政情：陳浩濂難得有空 計劃舉家遠遊
正所謂「塞翁失馬，焉知非福」，中西區區議員陳浩濂（Joseph）喺去年立法會選舉中高票落敗，不過Joseph嘅太太反而仲開心。Joseph話，因為佢冇乜時間陪太太同埋兩個女兒，如果佢順利當選，太太就更擔心佢更少時間留喺屋企嘞！
從政起所有旅行都喺四小時內
講起從政有幾忙，Joseph先至發現由○九年開始做社會服務以來，就一直都未有時間同屋企人去長途旅行，所有旅行都喺四小時以內，好彩兩個囡囡冇投訴過。不過，Joseph話太太對女兒嘅教育緊張啲，都有提過希望可以帶女兒去英語系國家，等佢哋多啲了解一個只係用英語溝通嘅環境係點樣嘅，所以趁今明兩年都未有選舉，要計劃吓同屋企人去一個較長嘅旅行喇！