政情：留學澳洲 林琳曾遇歧視

街頭無故畀人鬧

林琳透露當年喺澳洲讀書時，遇過唔少被歧視嘅情況，試過喺澳洲黃金海岸被路人無故破口大罵佢哋華人唔應該出現喺度，又試過喺市政廳附近途經見到有越南人打交，明明佢哋只係路過兼且唔係行得好近，都畀警察當佢哋係一夥，之後被面壁訓斥，仲要求佢哋二十四小時內唔可以出現喺市中心。

感遭不友善對待

佢仲試過喺機場見到個小朋友好得意，同對方講咗聲「Hello」，小朋友媽媽即刻衝過嚟攬住個小朋友抱走，感覺遭受極不友善對待。

對於聯合航空聲稱電腦隨機抽選但係竟然抽中一對情侶和一對夫婦，佢質疑有冇咁啱同唔係隨機，又認為今次除咗超賣之外，亦牽涉管理上嘅問題。

佢指部分航空公司超賣會提出高達一千三百美元嘅補償，希望有乘客可以主動讓出座位，而聯合航空只係先後提出價值四百同八百美元的補償加住宿，指如果冇人肯讓，應該嘗試提出更高補償，但聯航並冇咁做，反而係強行拖走乘客，做法過分。