曾經係林鄭月娥愛將嘅發展局前局長麥齊光，早前拍片支持曾俊華（鬍鬚曾）參選特首，而對於鬍鬚曾落敗，佢都話感到失望，被問及會唔會希望加入新班子時，佢就話自己已經退休七年，好明顯暗示緊唔會加入新班子。老實講，四年幾前佢加入問責團隊，點知就被揭發呃房津，及後法庭判佢罪成，最後佢上訴到終審法院先還佢清白，正所謂見過鬼都怕黑喇，仲點會返入熱廚房吖！
