政情：活動招風雨 郭偉強狂追帳篷

雨季又到，舉辦地區活動時突然遇上大風大雨，真係相當慘■！立法會議員郭偉強話試過喺大風大雨下，由慈雲山山頂狂奔，追啲帳篷追到落山腳，最終啲帳篷仲爛晒添！話說喺○三年，郭偉強喺慈雲山搞嘉年華，落雨又大風，喺山頂開嘅帳篷抵擋唔住強風，吹落山腳，佢怕壓到人所以要沿路追，最終有三個帳篷爛晒，執返都冇得再用。佢又試過喺大磡村寮屋清拆最後一日撞正生日，仲要喺大雨下再去巡吓有冇個案遺漏，巡完之後，成隻鞋入晒水咁去食生日飯，認真難忘。