本身為註冊社工以及社工註冊局專業操守委員會召集人嘅前公民黨成員曾健超，於佔領行動期間向警方淋尿味液體並拒捕，被法庭裁定襲警及拒捕罪成，判監五星期。曾健超日前表示放棄上訴，並即時入獄服刑，引起各界要求取消佢嘅社工資格。就立法會議員劉小麗宣誓風波而提出司法覆核嘅香港城市大學學生莫嘉傑，尋日就加入「追殺」行列，要求律政司及社工註冊局順應民意跟進，勢要搣走曾健超嘅社工資格，睇嚟曾健超分分鐘連社工都冇得做喇！
