政情：公民講場：帳委會查新空管 繼續追殺李天柱

喺前特首曾蔭權爵士任內構思及獲批逾十五億元購買嘅新空管系統，喺舊年十一月啟用後接二連三發生事故，立法會政府帳目委員會（PAC）多名成員尋日視察新系統運作情況後，更引述民航處指五人專家小組喺兩至三周內提交中期調查報告。其實，PAC未等報告出，早前已要求處方進一步交代新系統嘅維修同保養問題，即係繼續追殺新系統喇！處長李天柱咪以為交咗呢份被轟「自己人查自己人」嘅報告就可以甩身。