政情：今日你上鏡：白色情人節生B女 林博話會錫晒佢

林博接受查詢時就話，太太喺星期日開始見紅，尋日等到子宮開咗之後就推入產房，作為跟得老公嘅佢，放低晒所有工作陪產，仲入埋產房幫手剪臍帶添！見證囡囡出世一刻，林博話佢同太太都忍唔住喊咗出嚟。

乳名「藍藍」 寓意胸襟廣闊

咁BB改咗名未？林博話之前同太太討論過，不論出生嘅BB係男定女，都會稱為「藍藍」，因為「藍藍」代表藍天，寓意小朋友日後胸襟廣闊，藍色亦係佢當年參選區議會時用嘅顏色。

不過，暫時「藍藍」只係乳名，林博要同家人商討之後先會決定囡囡全名。佢又話會向區議會啲同事偷師，學下點分配工作同家庭生活喎。