細心女車長 待客如家人

棄幼教轉行 一做16年

「（幼園老師）做咗一段長時間就覺得有啲悶。」朱淑敏（阿敏）出身巴士世家，「覺得呢份工好得意，可以與唔同嘅人溝通接觸。」從此開展了十六年的揸巴士生涯。這位女車長所駕駛的路線以長者乘客為多：「如轉彎或停車時，都會開聲提醒上落車要小心，更會等乘客坐穩先開車。」

記者日前就坐上由阿敏駕駛開往打鼓嶺的巴士，一路上乘客登車時都會與她打招呼，似是認識良久的鄰舍般稔熟。當日，阿敏駛至其中一個車站時突然響號，原來是為了提醒一個在等車的老伯上車。她指許多人都是「熟客」，固定時間出現，如她記得有位小朋友中午十二點放學，自己負責的是十一點五十分開出的車，就會特地將車速減慢，等小朋友可以上車。

婆婆勁讚：佢係好司機

退休已久的黃伯坐了這條線十多年，在這兩三年間遇上阿敏，「佢對老人家夠細心，會特登降低地台方便上車。」黃伯笑說如果其他巴士車長有她一半細心就好。在行車途中，有位七十多歲的張婆婆，細聲的說：「佢真係一個好司機。」

阿敏說與乘客關係就像家人般，最令她難忘的是，曾經有位太太帶着嬰兒上車，中途嬰兒突然失去知覺，當時她拜託其他乘客報警，而她知道該路段有機會塞車，就與救護員商討在哪個位置最快可以遇見，終最短時間內將嬰兒送院，嬰兒平安無事。