村民欲救無從 慘不忍睹
【本報訊】「啲火燒到紅綠燈柱咁高，電油係咁漏，聽到有人嗌，已經幫唔到咩手！」爬「窗窿」逃生的姓霍幸存者，幸由街坊拖離「火車」，參與救他的姓彭男村民形容「當時傷者不停咁話『救命、好痛』，又話自己係乘客，車入面仲有兩個人要救！」他安置好傷者後即時回頭，打算再救出車內其他人，即見全車陷火海，他憶述：「由拖走傷者至回頭僅十幾秒時間，火勢已一發不可收拾，愈燒愈烈……」
「啲火燒到紅綠燈柱咁高」
街坊彭先生指：「當時遠處都望到有火光，我哋十幾人一齊跑出嚟，發現一個男傷者瞓喺左邊車門位。」當時情況十分混亂，見同村一對父子首先扶着傷者離開，他與友人見狀，即上前協助將傷者扶至紅綠燈柱位，過程僅十多秒，當時聽到數下爆炸聲，「一路有火花彈出嚟，啲火燒到紅綠燈柱位咁高，跟住電油又係咁喺下面漏出嚟，就算聽到有人嗌，已經太遲，幫唔到咩手」。
因火勢太大，彭等人未能走近，只好走到一旁報警，最後消防在三分鐘後趕到救火，對未能再救出車上另外兩人，他慨嘆：「個心始終唔舒服！」
幸存傷者痛失兩「兄弟」
另一方面，姓霍傷者在電光火石間經歷九死一生，但目睹兩名「兄弟」陷火海慘況，自己卻無能為力，慶幸大命之餘，悲痛和驚恐更難以磨滅，加上一度被傳是肇事司機，心情更低落。霍妻得悉後亦大感驚訝，指與丈夫一起多年，知道丈夫不懂駕車，從不見他「揸車」，不相信他肇事。昨晚家人在病房陪伴霍，並留意其情緒。