手機電召的士應用程式Uber衝擊的士業，市民及業界都好想趁機提升吓的士業服務質素，點知政府就推出專營的士試驗計劃，建議新增六百輛專營的士。航運交通界立法會議員易志明尋日出席電台節目時批評政府係「落錯藥」。佢話的士業界之前都提交過先導計劃希望改善服務質素，但係政府冇回應，漠視業界聲音。咁又係，市民不滿嘅係的士拒載、兜路、濫收車費等陋習，但政府嘅計劃就只限制的士車輛類型、車廂設計同車齡等，直頭就係盲摸摸、斷錯症開錯藥啦！
