本港公屋供求不嬲僧多粥少，房屋署最近更建議提高公屋申請人入息上限，令更多人可以申請公屋，但喺土地短缺情況下，公屋輪候時間勢必更長。立法會議員麥美娟尋日出席電台節目時，鬧政府喺覓地建屋方面力不從心，仲建議將市區重建局嘅項目轉交畀房屋委員會同房屋協會，以興建公營房屋。其實增加土地供應嘅方法多籮籮，例如開發棕地咁，如果發展局局長馬紹祥肯聽外界意見，又使乜向市建局埋手呢？
