政情：今日你上鏡：王敏馨姊弟 各展鴻圖

早前我哋喺一個酒會上見到香港「造船大王」王華生嘅長女、博愛醫院永遠顧問王敏馨（馨姐）同弟弟王敏剛，講起家族盤生意依家係以造遊艇為主，不過兩姊弟各自各精彩，分別發展自己嘅興趣同事業，家族生意就由其他兄弟接班。馨姐係家中獨女，有六個細佬，佢笑稱自己鍾意玩，特別鍾意騎馬，依家係中國馬業協會資深理事，幫手喺內地推廣馬業，亦不時做吓馬術評判。