政府一直對非法堆填同棄置廢物問題闊佬懶理，搞到發生「泥頭山」不斷擴大、演變成高球場等事件。尋日立法會環境事務委員會就此召開特別會議，立法會議員鄺俊宇就話，依家泥頭山問題好難跟進，過往處理過幾個泥頭山依家都仲「健康茁壯成長」，認為除非有特遣隊，如果唔係都唔知有咩方法解決咁話。點知環保署就話，安裝攝錄系統已經有效打擊非法活動，希望可以增加安裝點，更唔排除「裝假狗」。諗住「裝假狗」就當執法，政府即係hea住做等收工啫！
