政情：今日你上鏡：大劉睡衣Look返華置

華人置業早前突然公布，前主席劉鑾雄（大劉）以「健康狀況極為不穩」為由急分身家，大劉配偶陳凱韻（甘比）將持有公司約五成股權，長子劉鳴煒則持有近兩成半。大劉繼前日現身返回灣仔華置總部後，尋日下午二時許再以一身睡衣Look返回華置。一身貌似睡衣裝束嘅大劉着住件黑色外套，配上皮鞋，雖然落車後扶實甘比右手，但睇落唔似健康有問題。甘比陪同大劉行入華置冇幾耐，就上咗另一架房車離開。大劉就逗留咗兩小時，至下午四時許先自行扶住拐杖，由一名男子陪同佢上車離開。