中環出更：趕撐老公場張伍翠瑤痛失襟針

張伍翠瑤（右）趕場撐老公張德熙（左），點知唔見咗藍寶石襟針。（徐家浩攝）

講起新界地區同市區相比好有特色，唔知大家有咩特別回憶？張德熙就話最鍾意北區，事關佢喺上水石湖墟長大，留低唔少難忘嘅童年回憶，例如踩單車周圍去，仲有去高爾夫球場野餐添！「糧油王子」李豐年雖然唔係新界仔，但家族喺梅窩及東涌有廠地及農地，不過就荒廢咗好耐。佢話曾經諗過搞中藥園或種植具醫療價值嘅辣木樹，不過佢爸爸李廣林就好想種水耕蔬菜，依家仲諗緊點樣用。

商會青委吸納青年才俊

講番就職典禮，為咗令已有五十八年歷史嘅商會更有活力，本屆新增前全國人大常委曾憲梓細仔曾智明做聯席主席，同連任嘅主席王振聲拍住上。大埔區議員余智榮（Ken）係今屆商會轄下青年事務委員會主任，睇嚟責任都唔輕。Ken就話，青委已經成立十年，現任副主席湯修齊就係第一屆青委主任。依家已吸納唔少律師、醫生及工商界青年才俊加入，希望可以為社會做啲嘢。

湯修齊（左）創立嘅青委今屆由余智榮（右）接棒。

李豐年（左）家族喺新界有唔少地，旁為新界總商會副主席何榮添。

卓妮