中環出更：市民自發示威 怒轟禍港漢奸黎
反壹傳媒黎智英（漢奸黎）嘅示威持續，兩名聲稱自發嘅女子尋日到漢奸黎寓所附近示威，並拉起抗議橫額同紙牌，怒轟漢奸黎係佔中黑手、千古罪人。
展示多個標語橫額
示威者尋日下晝約一時三十分抵達漢奸黎位於何文田嘅寓所附近，並即場展示印有漢奸黎頭像同寫上「反中亂港肥佬黎」、「毒媒橫行 禍港殃民」、「佔中黑手 千古罪人」、「黑金金主 厚顏無恥」同「漢奸走狗 滾出香港」等字樣嘅紙牌同橫額。
近期針對漢奸黎嘅示威行動不絕，自舊年六月十日起計，至今已踏入二百六十二日，連同尋日嘅示威行動在內，到黎智英寓所附近及將軍澳壹傳媒大樓外示威嘅行動最少達一百六十五次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百五十二次。
卓妮