港珠澳大橋香港段又爆醜聞！機場島東南面嘅大橋香港接線填海工程，遭揭發曾發生填海土地向外橫移至少五至十米，承建商要喺海堤外修築面積達九公頃嘅「臨時堤腳荷載平台」，阻止填海地繼續向海面伸延。運輸及房屋局同路政署早喺兩年多前已得悉事件，竟一直秘而不宣，有隱瞞公眾之嫌，有立法會議員質疑當局失職，提緊急質詢追殺局長張炳良。張炳良咪以為剩番幾個月任期，就算有錯都會被放生先得o架！
