探射燈：蛋糕保溫差 孳菌可致食物中毒
工廈烘焙店無牌出售蛋糕、甜點，隨時食壞人。醫學會會長蔡堅指出，蛋糕必須存放於攝氏四度或以下的地方，因為大部分蛋糕都會有忌廉及慕絲做材料，它們容易孳生細菌。
食材易招沙門氏菌
生雞蛋亦是製作蛋糕的主要材料，如處理不當，容易成為沙門氏菌溫床，「店家整定擺咗喺度幾耐又唔知，如果無牌嘅話，佢哋點做又唔受法例監管，製造過程唔乾淨，顧客食咗，輕則屙嘔肚痛，嚴重更可能食物中毒。」
事實上，無牌蛋糕店個案屢見不鮮，一五年八月，有蛋糕店於葵涌一幢工廈單位開設食物製造工場，惟有關工場未獲食環署發出相關牌照，食環署派員巡查後，證實有人無牌經營食物製造廠，並檢控負責人。