公屋輪候時間又再創新高，最新數據顯示上樓要等四年零七個月，遠遠拋離原定嘅三年承諾，睇住條隊愈排愈長，基層市民肯定急如熱窩上的螞蟻。運輸及房屋局局長張炳良之前自爆，話本來諗住只係做房屋，點知要做埋運輸，而喺任內花喺處理運輸嘅時間仲多過房屋，唔知係咪因為咁，都理唔到建屋問題咁多。距離現屆政府只剩番幾個月貨仔，睇嚟張炳良都無辦法力挽狂瀾嘞！
