社會上一直都有意見認為本港要擴闊稅基，財經事務及庫務局局長陳家強尋日喺一個電台節目中話，如果香港有類似銷售稅嘅稅項，本港嘅稅基就可以闊啲，可以穩定政府收入，亦大有空間減低其他稅項，包括個人薪俸稅、利得稅等。既然係咁，政府係咪應該去檢討吓稅制呢？陳家強就笑騎騎咁話︰「呢樣係咪值得去諗？我覺得係遲早要諗嘅。」既然明知值得去做，仲要拖拖拉拉，睇嚟陳家強梗係諗住任期得番幾個月，hea住做等收檔喇！
