政情：公民講場：大橋「吸錢怪」 市民怨難平

運輸及房屋局局長張炳良尋日參觀港珠澳大橋工地，仲初次承認大橋主橋支出比估算「多啲」，但未有確實數字，僅指三地政府商討方案後會向立法會匯報。話時話，喺舊年一月底立法會財務委員會終極剪布，再撥咗近五十五億元出嚟填氹，令到大橋工程獲批嘅總撥款額高達一千一百七十七億元，依家又話超支，雖然未知條數係幾多，但可以肯定又係要市民埋單找數，簡直離晒大譜。