前排訪港人數下跌，旅遊業同零售業吹寒風，而商務及經濟發展局局長蘇錦樑（Greg蘇）尋日話喺農曆新年間訪港旅客人數增加百分之六，特別係過夜客，增加在港消費同帶動經濟咁話。但業界話新春入境團不升反跌，賓館業亦訂唔滿，食肆營業額亦冇因旅客增加而有大升幅。換言之，只係旺丁不旺財，Greg 蘇與其喺度盲目唱好，倒不如攝高枕頭，諗啲新橋嚟吸客來港消費好過喇！
