居民焗孭 行人設施百萬維修費

設施頻故障 居民鮮使用

「我哋都好少用，點解要畀埋一份？我哋唔畀維修費嘅話，房屋署話會告我哋！」慈愛苑第一、二期業主立案法團主席陳銳燦指出，由於商場及巴士總站均在另一方向，平日該屋苑居民鮮有利用通往慈雲山道、連接山上其他屋邨及屋苑的長約一百米的有蓋行人通道、三條扶手電梯及兩部升降機等行人設施，卻要按公契規定，負擔三成零件費用。

陳銳燦又直言，「單三條扶手電梯，近五年已經畀咗差唔多一百萬蚊，呢度有二千一百戶，每戶每年無端端要夾大約一百蚊！」

「個行人上蓋係為咗保護扶手電梯，但房屋署唔肯夾錢維修。」陳又指，房署只支付機械零件費用，法團需獨力承擔行人通道上蓋的維修及照明系統開支，他指其中一條扶手電梯，每月故障至少一次，未來如果需要全條更換，或需花費數百萬元，「屆時可能要加管理費，但呢度好多都係長者，佢哋邊度有能力？」

慈愛苑一、二期居民張貼橫額，不滿要攤分維修費用。	王艷芬（左）憂設施機件老化會加重未來維修費用開支。右為陳銳燦。	其中一條扶手電梯經常發生故障，需要維修。

建前無諮詢 恐愈畀愈多

「（興建升降機前）問都冇問，整完就問我哋夾錢維修！」另一法團委員王艷芬則直指，該兩部升降機，是房署在屋苑入伙後兩年方興建，事前未有徵得業主意見，現時要他們攤分三成零件費用，「啲機件老化，未來要畀嘅錢，只會愈嚟愈多。」

房屋署發言人指，慈愛苑第一、二期，是於九五年四月及十一月出售的居屋屋苑，於九七年落成入伙，按售樓書的《公契要點》，已列明屋苑行人設施屬屋苑公用地方，業主需負責管理及維修，署方作為慈樂邨及慈正邨的管理人，在接獲經審核有關開支的單據後，會支付有關機械零件的七成維修費用。

黃大仙區議員陳曼琪斥房屋署當年的售樓書，未詳細解釋相關責任，令小業主不知情下，需負擔維修費。她又指有該行人設施範圍的石屎柱躉鋼筋外露，「如果又要小業主維修，佢哋畀唔起，甚至連搵乜人維修都唔識。」