食署中止合約 半世紀菜販結業
【記者林嘉成報道】一個菜檔養活兩代人、凝聚三母女，更盛載幾十年街坊情。八十二歲馮婆婆於七十年代在街邊擺檔，為避警察拘捕經常「走鬼」，至九七年遷入黃大仙大成街街市，與兩名女兒經營菜檔養活一家，半世紀見證不少街坊長大，結下深厚情誼。惜菜檔近期被食物環境衞生署中止合約，被迫經營至年初五（下月一日）便要結業，多年心血告吹，馮婆婆慨嘆手停口停，要靠綜援度日。
四次擺過界遭勒令停業
馮婆婆年輕時在街邊賣菜，養大四名子女，「好天曬落雨淋，搞到依家隻腳咁！」雖然近兩、三年健康轉差，出現坐骨神經痛，但婆婆仍每周撐拐杖到菜檔坐鎮一整天，「望一眼先安樂」。馮婆婆的細女憶述：「十零歲放學一擺低書包就落樓幫手，四十幾年我哋三母女日日見！」家中男丁「統統免役」，「細佬梗係留喺屋企，我哋兩姊妹就同阿媽搬住籮菜『走鬼』，喺徙置大廈逐層向上搬。」
兩名女兒嫁作人婦後仍到菜檔幫手，三母女都由菜檔的「大錢罌」支付買餸錢。馮婆婆憶述，九七年向親友籌得四十萬元，在大成街臨時街市投到固定檔位，「頭幾年賺嚟還債，以為買咗檔位就有餐安樂茶飯，誓估唔到幾十歲仲畀人蝦！」前年菜檔因越界，一連接獲食物環境衞生署四封警告信，馮婆婆不忿指未接獲任何口頭警告，就被勒令年初五後結業，成為二十年來遭逼遷的首宗案例。她最憂心愛女生計：「佢哋由細做到大，除咗賣菜乜都唔識，掃街都冇人請！」
「婆婆睇住我大，幫襯咗四十幾年，每次買餸睇見佢都好開心！」街坊蘇太常帶着兒孫前來光顧，批評食環署不近人情。