政情：公民講場：灣仔運動場唔拆又拆 田總怒插馮程反口

施政報告話將灣仔運動場改作會展等綜合用途，香港業餘田徑總會（田總）主席關祺尋日發公開信大爆政府「反口」，指民政事務局常任秘書長馮程淑儀做康文署署長時講過，除非有合適而即時嘅替代場地，否則唔會拆灣仔運動場。佢批評政府冇口齒，依家喺冇諮詢嘅情況下公布計劃，仲話灣仔運動場日頭搞比賽、夜晚做訓練，擔心拆場後會因冇場用而令田徑界「斷層」。