政情:鄧家彪買雞格價 公營街市至抵

今日就係年卅晚,家家戶戶都忙於準備團年飯。大家有冇留意團年飯指定嘅食材係乜呢?咪就係雞囉!工聯會嘅立法會前議員鄧家彪(Bill)尋日就喺fb上載咗一段短片,講解新年食雞嘅由來;佢又化身格價專家,指公營街市嘅「雞價」遠較領展街市抵買,促請政府復建公營街市喎。

阿Bill喺短片中先講解新年食雞嘅由來,佢話廣東話「雞」同「吉」係諧音,但普通話就係一樣發音,故有吉祥之意,而喺閩南話中,「雞」同「家」更加係同音,所以家人團聚嘅新年飯一定有雞做菜餚咁話。

促復建公營街市

講完由來之後,佢又走到大埔附近嘅領展街市同公營街市,比較活雞售價,佢喺片中指出,以一斤活雞去計,領展街市平均比公營街市貴十至二十蚊,所以佢促請政府盡快復建公營街市,等市民可以買吓平餸。

第一手消息請下載on.cc東網iPhone/iPad/Android/Windows Phone Apps