中環出更：三老鴿 李卓人 與漢奸黎團年
農曆新年將至，唔少人都會趁今日係年三十晚大除夕同親朋戚友團年。與壹傳媒黎智英（漢奸黎）嘅關係千絲萬縷嘅民主黨（白鴿黨）一眾「老鴿」，包括有「李漢奸」之稱的白鴿黨創黨主席李柱銘、該黨前立法會議員何俊仁（AV仁）、李永達（高達），以及曾被踢爆秘密收受漢奸黎捐款兼且自己「袋住先」嘅工黨前立法會議員李卓人，尋日中午就已經齊齊去咗漢奸黎嘅屋企喇。年近歲晚，唔知佢哋係唔係提早去同漢奸黎團年，兼商量來年點樣搞搞震呢？
尋日中午十二時四十五分，李漢奸、AV仁、高達同李卓人一齊乘坐漢奸黎嘅七人車，到達漢奸黎位於何文田嘉道理道嘅寓所。四個人逗留咗大約兩小時，喺下午二時四十分，就一齊乘坐同一輛七人車離開。雖然農曆新年就到，不過四人都木無表情，一啲都睇唔出迎接新年嘅喜悅心情。
去年底政府入稟法院，要求取消多劉小麗、羅冠聰、姚松炎、梁國雄四名非建制立法會議員資格當日，李漢奸、AV仁同高達亦都帶同黨內多名「乳鴿」，包括立法會新丁林卓廷、許智峯同鄺俊宇前往黎宅密會漢奸黎三小時。唔知今次密會白鴿黨同工黨嘅老鬼又係所為何事，定係漢奸黎又有事要指指點點、吩咐佢哋呢？
示威者預告初一至十到場「拜年」
漢奸黎喺二○一四年參與違法佔領行動，又被揭發多次捐款畀泛民政團同立法會議員，被批評係佔領行動嘅「幕後黑手」同泛民「金主」，針對佢嘅示威行動一直未停過，搞到佢要向法庭申請禁制令，但禁制令頒下後，示威喺佢寓所附近進行嘅抗議行動仍然持續，有示威者早前更表明喺農曆年初一到初十，日日去同佢「拜年」添！
卓妮