立法會工務小組委員會尋日終於都通過咗大埔公屋撥款項目，但建築界議員姚松炎喺臨表決前，突然爆出一句「住屋係小道理，條命同健康先係大道理」，話嗰區空氣污染超標，如果搬咗入去先有居民死亡或生癌點算喎，出席嘅官員就當然唔鬼理佢。依家輪候公屋嘅時間愈嚟愈長，住緊劏房嘅市民日日都焗到抖唔到氣，最想係快啲有間公屋住，姚松炎好明顯係堅離地喇！
