新一份施政報告建議將部分郊野公園嘅邊陲地帶用嚟起公屋同老人院，但身兼行政會議成員、立法會商界議員林健鋒，尋日喺立法會答問大會竟然提出，希望項目包括私樓，特首梁振英一句就話「唔做地產」，大大個檸檬塞畀林健鋒。老實講，環保團體一直極力反對政府打郊野公園用地嘅主意，依家話要郁邊陲地帶起公屋都未必肯放手，何況係私樓，林健鋒簡直係撼頭埋牆喇！
