政情：生B極速收身 王政芝靠工作
上年十月尾先生咗個B女嘅新民黨青委會執行副主席王政芝（Gigi），生完兩個月就已經收身成功，話咁快可以重新投入工作，之所以咁快可以返工，Gigi就話其實要啲運氣(口架)！
本身喺英國倫敦帝國學院同劍橋大學畢業嘅Gigi，其實係一個工作狂，佢自爆收身秘訣只係需要不停工作，令自己忙到透唔到氣就好快減到肥。但工作咁忙點都要有啲時間休息嘅，好彩B女瞓着覺之後唔會咁易起身做「大喊包」，咁Gigi就可以一覺瞓天光，第二朝就有精神工作。
忙碌仍堅持哺乳
雖然工作比較忙，但Gigi堅持要餵哺母乳，但真係餵起上嚟先知道原來香港對母乳餵哺嘅配套真係唔多足夠，所以將來會畀心機為媽媽們爭取一下，令社會多啲重視母乳哺育嘅重要性，增加多啲配套，減輕媽媽們嘅壓力。