中環出更：示威者拉橫額 轟漢奸黎「傀儡洋奴」
聲討壹傳媒黎智英（漢奸黎）行動在頒下禁制令下仍然持續，為數十九名聲稱自發人士到漢奸黎位於何文田嘅寓所附近作無聲示威，佢哋又拉起寫上「番邦契弟 操控選舉 黑金代理 禍國亂港」嘅橫額，又展示寫上「傀儡洋奴」、「大魔頭 大漢奸」及「搞亂香港正衰人」嘅紙牌。
「賣國黎賊 遺臭萬年」
示威者尋日朝早七時三十分持橫額抵達漢奸黎嘅寓所附近，佢哋展示寫有「操控選舉 禍國亂港」、「賣國黎賊 遺臭萬年」等橫額，以及寫上「傀儡洋奴」等紙板，期間又將橫額放喺地上，過程中並無叫口號，示威者在場逗留近兩小時後才離去。
近期針對漢奸黎嘅示威行動不絕，自舊年六月十日起計，至今已踏入二百二十三日，連同尋日嘅示威行動在內，到漢奸黎寓所及將軍澳壹傳媒大樓外示威嘅行動最少達一百二十七次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百一十四次。
卓妮