多名立法會議員尋日喺大會質詢有關廣深港高鐵一地兩檢嘅問題，要求當局盡快交出方案，但運輸及房屋局局長張炳良對一地兩檢嘅進度、方案同提交立法會審議嘅時間表都嘔唔到出嚟，仲話立法速度唔係政府能夠掌握，似係暗寸班議員拉布。張炳良仲咁寸嘴，係咪諗住自己剩番半年貨仔，拖拖吓就拖到佢任滿走人甩身，掟低個爛攤子畀下屆政府，所以依家唔使講咁多？
