政情：吳永嘉遊澳洲自駕揸到怕

最長一程六粒鐘

Jimmy話澳洲嘅景點與景點之間相距好遠，最長嘅一程車要六粒鐘。作為旅程中唯一嘅司機，佢話已經無法計算整個旅程嘅駕駛時間，雖然有中途站稍作休息，但澳洲道路設計為防意外發生，轉彎時道路會輕微傾斜，所以要集中精神，難怪佢大呻辛苦喇！

月底就係農曆新年，佢話呢次旅行嘅地點，一定以唔使揸車嘅優先，因為澳洲之旅已將佢嚇怕。之不過，佢旅行返港後都有揸車喎，唔通佢之前上載搭巴士嘅照片只為做騷？佢強調自己經常使用交通工具，因為體諒司機有家室而畀佢盡早放工，自己就改搭其他交通工具。睇嚟市民有機會野生捕獲Jimmy喎。