中環出更：示威者怒斥漢奸黎「番邦契弟」
聲討壹傳媒黎智英（漢奸黎）嘅行動喺禁制令頒下後仍然持續，尋日二十一名聲稱自發嘅人士踩上漢奸黎位於何文田嘅寓所附近示威，佢哋拉起橫額抗議，怒轟漢奸黎係「番邦契弟」、禍國亂港及黑金亂港，高呼賣國黎賊，滾出香港。
踐踏海報 大叫口號
示威者喺尋日朝早八時許抵達漢奸黎寓所附近嘅行人路上示威，佢哋舉起印有「番邦契弟 黑金代理 操控選舉 禍國亂港」嘅橫額，以及一啲印有漢奸黎頭像、寫上「通番賣國 黑金亂港」、「賣國黎賊 滾出香港」等字樣嘅海報示威，期間又將海報放在地上用腳踐踏，大叫口號。警員到場了解，而示威者喺九時半左右和平散去。
近期針對漢奸黎嘅示威行動不絕，自六月十日起計，至今已踏入二百一十三日，連同尋日嘅行動在內，到漢奸黎寓所及將軍澳壹傳媒大樓外示威嘅行動最少達一百一十七次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百零四次。
卓妮