探射燈：落閘斷電 設感應器 加強防盜
近日發生多宗店舖被撬毀電閘箱爆竊案件，要避免成為電閘黨目標，防盜保安專家建議，電閘應設斷電功能，並附有感應器，即使被電閘黨撬開，亦因無法捲起電閘，以及警鐘響起，令竊匪知難而退。
防盜保安專家謝學深指出，應在落下電閘後斷電，「電閘24小時有電，隨時開得番，斷電係最安全，要人手捲起電閘，唔係咁容易。」他續稱，可在電閘箱外加設磁力掣及雙警鐘，竊匪撬鎖會觸動感應器，響起警鐘，「舖入面一個警鐘，出面一個，即使拆咗出面嗰個，入面嗰個都會響。」他稱，除設電閘外，舖內的保安措施亦需做足，如設動作感測器、玻璃感測器及震動感測器，有人出入、打破玻璃，甚至鑿牆強行進入商舖，警鐘都會響起，「出入口、冷氣、抽氣扇同埋後門，呢幾個位置要謹慎啲，裝感測器同磁力掣，避免賊人喺呢啲位入嚟 。」
留一線讓賊人逃走免困獸鬥
謝強調，保安措施用作防盜而不是捉賊，宜留一線予竊匪離開，「要有位畀佢走，唔好困獸鬥，有竊匪入咗嚟，鎖咗門入面嘅會有危險，會要挾你。捉賊係用鏡頭同錄像，事後先去捉佢。」他稱，要做足以上保安措施並不昂貴，根據店舖大細，由數千到數萬港元不等。
香港鎖匠學會會長梁順和則指，電閘箱鎖頭好像信箱鎖一撬就開，建議外加掛鎖，以及閘底加裝俗稱「地牛」的鎖頭，使竊匪取易不取難。