政情：公民講場：學生哥水深火熱 吳得掂玩最緊要

教育局局長吳克儉（吳得掂）尋日出席立法會有關學童自殺問題嘅公聽會，但兩節公聽會佢就選擇只出席第一節，解釋話因公務同公聽會時間有變，所以未能出席第二節公聽會，又話副秘書長都係高級官員，最終搞到出席人士勁為不滿，狠批佢唔重視學童自殺問題囉！到底吳得掂因咩大事唔去第二節公聽會呢？其實佢要出席義工活動，但該活動已有其他官員出席，留低出席公聽會唔係更有意思咩？再者，活動喺公聽會結束後一小時才開始，而吳得掂早喺中午時分就已離開立法會，莫非佢要去歎埋個午飯先出席活動？