政情：四個未嫌多「蛛媽」想生夠六個

人稱「蜘蛛女」嘅兩屆包山后、前攀石及健美運動員鄭麗莎（Lisa），結婚三年已由運動英雌變為幸福「蜘蛛媽媽」，早前更生咗三胞胎，加埋現時兩歲多的大仔，眨下眼已有四個小寶貝。Lisa尋日出席攀石活動時笑言，已放低攀石運動十幾年，第時可能由兒子接任喎！

Lisa話，依家都有帶大仔到公園試爬，但坦言要等佢三至四歲，先至可真正接觸攀石。照顧三個未斷奶嘅小朋友實係好辛苦，Lisa坦言初期好徬徨，又唔夠瞓。雖然係咁，但Lisa冇有怕，揚言希望可以生夠六個添！

五年前因車禍導致下半身癱瘓嘅前包山王黎志偉亦有出席活動，佢話已搵到有公司肯賣機械腳，希望在農曆新年後去美國做檢查及測試，完成「重新行走」嘅夢想。