西九文化區興建故宮博物館一事突然出現戲劇性變化，政務司司長林鄭月娥尋日去信立法會，話下星期一開始做六星期嘅公眾諮詢。個計劃一開始就被鬧爆冇諮詢，但林鄭仲死撐，話持份者多、又話怕遇反對會尷尬，最後仲擺埋大熊貓上枱，話十年前中央政府送大熊貓畀香港時都冇諮詢。依家林鄭跪低，係咪代表下次中央又送大熊貓畀香港時，都會做番諮詢呢？
