政情:公民黨求凝聚力 搞小學雞生日會

雖然話黨內無派、千奇百怪,但公民黨(公文袋)黨內凝聚力不足,意見紛紜嘅情況似乎係最為明顯。公文袋最近就改選新領導層,佢哋似乎有意改善凝聚力問題,更加增聘人手處理黨員事務,同埋籌備生日會。但係搞埋啲小學雞生日會,係咪真係有用o架?

公文袋近日喺網頁上招聘黨員及活動幹事(Memebership and event officer),由網頁上嘅資料可見,佢主要負責處理黨員會籍及為黨員安排活動,同時亦會幫手籌款。據公文袋中人稱,呢個黨員及活動幹事另一個重要職責,其實係每兩個月搞一次生日會,而首次生日會今日就會舉行。

公交袋副主席賴仁彪話,公文袋選舉新執委時,加入咗兩個執委處理黨務發展,而過去三場選舉,都無時間大家搞吓聚會,所以趁「和平時期」,佢哋就加個人手,設計活動增加黨內凝聚力,同埋搞多啲嘢令人可以識個黨。佢仲笑稱,邊有份工咁筍淨係搞生日會o架,遲吓請到人將會有排佢做喎。

第一手消息請下載on.cc東網iPhone/iPad/Android/Windows Phone Apps