政情：林超英赴雲南歎冬日
受到氣候暖化嘅影響，依家香港嘅四季已變到唔明顯，好似呢排明明係冬天，但就暖笠笠，難怪大家都會話香港就嚟冇冬天嘞！唔知係咪香港冬天不冷，所以天文台前台長林超英（黑英）就特登走咗去感受冬冷呢？
黑英尋晚喺社交網站facebook（fb）上載咗一張相，相中嘅佢一副悠然自得咁款，坐喺藤椅、雙腳搭住石壆，似足啲大班將雙腳擺上枱好歎咁款。當然歎喇，望住個雪山靚景喎。
原來黑英去咗雲南飛來寺，而背景嘅雪山就係梅里雪山。黑英仲喺fb留言，似係有感而發咁話：「這個世界充斥着負面的氣氛，我們必須提醒自己，大自然其實對我們不薄，也要給自己一點閒暇時光，享受大自然的賦予。不管『順』或『逆』，活着就是幸福，同樣感恩。」大家收唔收到？