政情：今日你上鏡：陳家珮誕子 貼相晒幸福

Judy尋日喺個人fb上載咗張一家三口照片，相中Judy同老公都笑到見牙唔見眼，而BB就好似喊緊咁，睇落非常活潑。其實Judy佗B嗰陣真係比一般阿媽辛苦好多，除咗出席論壇企足幾個鐘，平日又要處理地區事務，好似上星期六，就算接近預產期，Judy仍然凌晨起身實地視察港鐵南港島線開通。雖然Judy對工作好上心，不過都希望佢產後可以好好休息喇，相信街坊都唔會介意嘅。