政情：公民講場：天文台hea報守舊 岑智明急追落後

近年天氣反常多變，出門睇少陣天氣預告都唔得。天文台台長岑智明尋日喺電台節目上話，正考慮將現時只發布九日天氣預告，至少增加五日至十四日，亦會研究澄清網上虛假天氣訊息嘅途徑。查實依家人人有智能手機，閒閒地可以上網睇到未來十日甚至一個月以上嘅世界各地天氣預報。多年來天文台唔肯行多步，仍然好守舊咁hea報天氣，搞到地下天文氣象消息滿天飛，依家先至諗到追落後，真係後知後覺。