探射燈：修復古蹟 首要保留建築物原貌
修復古蹟要注意哪些事項？「古蹟修復同一般裝修工程唔同，要盡量避免使用現代物料。」古物古蹟建築特別承建商鼎新建築公司總經理鄭雅文表示，古蹟修復工程需時會較一般裝修工程長，成本亦較高，「瓷磚、石屎係新式物料，用喺以木、青磚及瓦片興建嘅古蹟，會破壞原有嘅歷史細節，所以要盡量依照古法施工。」
用相近舊磚更換
鄭續指出，古蹟修復工程，首要目的是保留建築物的原貌，「以青磚為例，要搵番同原磚出窯時期、顏色、紋理、同外表老化情況相近嘅舊磚更換，再用材料接近嘅沙漿砌磚，雖然成本會貴好多，但咁先可以確保古蹟施工完成後，外觀一致。」
「就算要將古蹟改建，都要喺唔傷害古蹟結構同特色嘅前提下進行工程。」她認為，香港土地供應緊張，古蹟業主及發展商改建古蹟作活化用途，無可厚非，「最緊要係聘請合資格古蹟修復主任，為古蹟做完整勘察及施工進度報告，確保工程對古蹟嘅傷害減到最低。」