政情：豬肉佬 髮型師 醫生 使唔使拉？

警隊管理不善 醜聞多籮籮

警方因廚房藏有菜刀而作出檢控，做法令人嘩然，理據欠奉但堅持起訴，只會搞到人人自危，而工作經常用到刀嘅職業，深信更會成為高危一族。好似髮型師閒閒地都幾把剪刀喺身，把把刀都有唔同功能，用嚟剪出唔同嘅髮型；豬肉佬所用嘅豬肉刀就連骨都可以斬斷，破壞力比擺喺廚房嘅菜刀更大；而醫生所用嘅手術刀鋒利無比，切割嗰陣毫不費力氣就能夠(界刂)破皮膚。

呢啲工作用嘅刀比菜刀殺傷力更大，若以警方現時準則，真係隨時被捕，唔通要豬肉佬唔好用刀斬豬肉，轉用連骨都剪到嘅鉸剪，若果咁都算係利器，髮型師唔用剪刀改用剃刀削髮，咁剃刀都係刀喎，醫生又點？唔通連人都唔救而避開警方無理拘捕？

呢啲工作用嘅刀比菜刀殺傷力更大，若以警方現時準則，真係隨時被捕，唔通要豬肉佬唔好用刀斬豬肉，轉用連骨都剪到嘅鉸剪，若果咁都算係利器，髮型師唔用剪刀改用剃刀削髮，咁剃刀都係刀喎，醫生又點？唔通連人都唔救而避開警方無理拘捕？

其實市民有呢個擔心並非無道理，因為警方近期實在傳出一大籮醜聞，單係今個星期已連續四日有醜聞！早前觀塘警區開聖誕派對，就有警司對多名女警施加「鹹豬手」，又有印度裔總督察傳下體照片畀女下屬，而廉署日前更拘捕兩名警務人員，涉嫌為報酬而洩露機密資料，尋日更有休班警員買醉群毆，警隊嘅醜聞多籮籮，出現咁多問題，肯定係管理不善所致。

議員憂「砌生豬肉」成風

再加埋呢單公屋婦人因家中廚房藏有菜刀而被控刑事恐嚇事件，有立法會議員狠批警方做法不當，仲擔心呢啲「砌生豬肉」已成風，怕且呢件事只係冰山一角。如果警方再唔快啲作出檢討，清除啲瘀毒，受苦嘅只會係市民。